ایکسپرېس ټرېبیون: طالبانو د چین او پاکستان په منځګړیتوب اوربند اعلان کړی دی

وسله والو طالبانو د چین او پاکستان په منځګړیتوب له افغان حکومت سره اوربند اعلان کړی دی. پاکستانۍ ایکسپرېس ټرېبیون ورځپاڼې په یوه مطلب کې د پاکستاني چارواکو له خولې لیکلي، طالبانو د پاکستان او چین په ضمانت او منځګړیتوب له افغان حکومت سره اوربند اعلان کړی دی. یاده پاکستانۍ ورځپاڼه وایي افغان ولسمشر اشرف غني غوښتي وو، چې د سولې خبرې باید د اوربند په اعلانولو سره پیل شي نو له همدې امله له اوږدو مودو راهیسې پاکستان هڅه کوله چې طالبان اوربند ته تیار کړي. سرچینه زیاتوي پاکستان د اوربند په اعلان کې دومره رول نه درلود، خو چین طالبانو ته د اوربند ضمانت کړی دی. په مطلب کې وړاندې راغلي چې پاکستان یوازې د چین او طالبانو ترمنځ د خبرو زمینه برابره کړې ده او اوربند د چین په ټینګار او ضمانت ترسره شوی دی. ایکسپرېس ټرېبیون لیکي، د سولې لپاره هڅې پیل شوې دي او ښایي د باور جوړولو لپاره په بل ګام کې د طالبانو ځینې بندیان هم د افغان حکومت له لوري ازاد شي.

 

دغه مطلب ته ستوری ورکړه
(0 رایې)

خپل نظر ورکړئ

Make sure you enter the (*) required information where indicated. HTML code is not allowed.