لویه څارنوالي: د ټاکنیزو جرمونو په تور ۵۸ کسان نیول شوي دي

د افغانستان لویې څارنوالۍ ویلي، د جعلي پېژندپاڼو د پېر او پلور په تور یې لسګونه کسان نیولي. د لویې څارنوالۍ ویاند وايي، د جعلي تذکرو او د ټاکنیزو ټاپو د غلا په تور له دوی سره ۲۴ دوسیې ثبت شوې دي. جمشید رسولي خبریالانو ته وویل، د دغو دوسیو اړوند ۵۸ تورن کسان دوی نیولي دي. رسولي ویلي، په نیول شویو کې داسې کسان هم شته چې غوښتل یې جعلي تذکرې ثبت کړي او په ټاکنو کې ګټه ترې واخلي. د نوموړي په وینا، په تورنو کې د وګړو د ثبت ادارې کارکوونکي هم شته چې په لوی لاس یې غوښتل تذکرو کې جعل وکړي. دا پېښې تر ډېره په لغمان، ننګرهار، هرات، کندوز، کندهار، فاریاب، سرپل، پروان، خوست، پکتیا، بادغیس او کابل ولایتونو کې رامنځ ته شوې دي.

 

دغه مطلب ته ستوری ورکړه
(0 رایې)

خپل نظر ورکړئ

Make sure you enter the (*) required information where indicated. HTML code is not allowed.