دغه خواړه د غاښونو د روغتیا ضمانت کوي

07 غبرګولی 1397

بې له شکه چې هر انسان غواړي غاښونه يې روغ او جوړ وي؛ نو ځکه هره ورځ د خپلو غاښونو په اړه اندېښمن وي. د ورځې څو ځلې خپل غاښونه برس کوي او مسواک استعمالوي، خو دلته ځینې نورې ساده لارې هم شته چې انسان پرې د خپلو غاښونو ښه ساتنه کولای شي.
1- اوبه
اوبه د انسان د وجود د سلامتیا لپاره ارزښتمنه ماده ده. هر وخت له خوراک او څښاک څخه وروسته خپله خوله پر اوبو و مینځئ، دا چاره ستاسې غاښونه پاک ساتي.
2- لبنیات
شیدې، پنېر او نور لبنیات د غاښونو لپاره ډېر ګټور دي، دا خواړه ويټامینونه، منرالونه او په زیاته اندازه کلسیم لري چې غاښونه روغ ساتي.
3- تازه مېوې او سابه
هغه مېوې او سابه چې په زیاته اندازه اوبه لري، لکه بادرنګ، هندواڼه، مڼه، ناک او یو شمېر نور د غاښونو لپاره ډېر مهم دي.
4- زړي
چارمغز، بادام او جلغوزي په زیاته اندازه ویټامینونه، منرالونه، کلسیم، اوسپنه، پوتاشیم او زېنک لري. دا هم د غاښونو د سلامتیا لپاره ډېر اړین دي.
5- شین چای
د غاښونو د پاکولو لپاره تر ټولو ساده او اسانه طریقه د شین چای استعمال دی. چای باید نه ډېر ګرم او نه هم ډېر یخ و اوسي. یوه مناسبه پیاله چای د غاښونو باکټریاوې له منځه وړي.
شراب، وچه مېوه، خواږه څيزونه، تېزابي غذا، او د اسید لرونکو مشروباتو زیات استعمال غاښونه خرابوي.

دغه مطلب ته ستوری ورکړه
(0 رایې)

خپل نظر ورکړئ

Make sure you enter the (*) required information where indicated. HTML code is not allowed.