خوست کې د کبډۍ سیالۍ

په سوېل ختیځ خوست کې د کبډي د څلورو لوبډلو ترمنځ ۷ ورځنۍ سیالۍ د انجنیر هلمند لوبډلې په اتلولۍ ګټلو پای ته ورسېدې.
انجنیر هلمند لوبډلې وکولای شول چې خوست سیټي سنټر لوبډلې ته د ۴۵ امتیازونو پروړاندې په ۵۱ نمرو ماته ورکړي.
د خوست د اولمپیک امر عزیز ملنګ وایي، چې د دغو سیالیو له جوړیدو څخه موخه د دغه ولایت لپاره د کبډي منتخبې لوبډلې غوره کول او ملي لوبډلې ته د درېیو لوبغاړو ورپیژندل وو.
لوبغاړي که څه هم د دغو سیالیو په جوړیدو خوشاله وو، خو د ځینو ستونزو یادونه یې وکړه.
د کبډي لوبې یوه لوبغاړي امرخیل وویل:
''مونږ هر کال د هېواد په کچه لاس ته راوړنې لرو، خو د کبډي مرکزي فدراسیون نه زمونږ تخنیکي وړتیاوو لوړولو ته پام کړی او نه یې مونږ ته د لوبغالي د جوړلو برخې ته. موږ اوس د فوټبال په لوبغالي کې سیالۍ او تمرینات کوو. ''

خوست کې دا مهال د لوبو او ورزش ۲۵ ادارې فعالې دي. یو شمېر لوبغاړي شکایت کوي، چې له دوی نه ډېری ادارې له کرېکټ او فوټبال پرته نورو لوبغاړو ته ډېره توجه نه کوي.

 

دغه مطلب ته ستوری ورکړه
(0 رایې)

86236 نظرونه

خپل نظر ورکړئ

Make sure you enter the (*) required information where indicated. HTML code is not allowed.