د چين مېډيا ګروپ د جنورۍ په ۱۹مه نېټه د سږ کال د پسرلني اختر د ماښامنۍ هنري نندارې په اړه خبري ناسته تر سره کړه او خبريالانو ته يې د دغې نندارې د پروګرامونو او تخنيکونو په اړه معلومات ورکړل.
وروسته له دې ، چې د ملګرو ملتونو د يونيسکو سازمان له خوا د چين پسرلني اختر د بشر د غير مادي ميراثونو په لېست کې شامل شوی، دا د چين مېډيا ګروپ په کوربتوب د پسرلني اختر لومړۍ ماښامنۍ هنري ننداره ده. د چين مېډيا ګروپ به نړيوالو کتوونکو ته د غیر مادي ميراثونو د عناصرو او نوښتونو ډکه ښايسته ننداره وړاندې کړي.
بر سېره پر دې، د چين مېډيا ګروپ به خپلو مخاطبانو ته د مصنوعي ځيرکتيا، اېکس ار (XR)او وي پي (VP)په شمول د ډېرو پرمختللو تخنيکونو پرمټ بصري تجربه وړاندې کړي.
