د عدليې وزارت د امارتي غصب شویو ځمکو قضیو ته د رسېدنې ځانګړې محکمې له لوري په خوست ولایت کې د نږدې ۱۴۰۰ جریبه ځمکې د امارتي تثبیت کېدو خبر ورکړی دی. دغه وزارت په یوه خبرپاڼه کې لیکلي، چې د مرکزي زون د امارتي غصب شویو ځمکو قضیو ته د رسېدنې ځانګړې محکمې د خوست ولایت د مرکز په غړومبۍ او مټه چینې ساحو کې د ۲۱۶۱ جریبه ځمکې د سندونو او مدارکو په بررسۍ سره، د هغې پر ۱۳۹۱.۸۶ جریبه ځمکه د امارتيتوب پرېکړه کړې ده. سرچینې زیاته کړې، چې یادې ځانګړې محکمې د سندونو، مدارکو، املاکي دفاترو په دقیقې بررسۍ او له اړوندو ادارو د معلوماتو اخیستو وروسته پرېکړه کړې، چې د یادې ځمکې ۱۳۹۱.۸۶ جریبه امارتي ملکیت دی.
خوست کې نږدې ۱۴۰۰ جریبه ځمکه امارتي تثبیت شوې ده
Get real time update about this post categories directly on your device, subscribe now.
- Trending
- Comments
- Latest
