شل اوریز نړیوال جام؛ سریلانکا نن ماښام له نیوزیلنډ سره لوبه لري

د شل اوریز نړیوال جام د ۸ غوره لوبډلو سیالیو په لړ کې نن ماښام ۶ بجې سریلانکا له نیوزیلنډ کرکټ ملي لوبډلې سره سیالي ترسره کوي. د ۸ غوره لوبډلو پړاو په سیالیو کې تر دې دمه په لومړي ګروپ کې سوت افریقا او ویسټ انډیز او په دویم ګروپ کې انګلنډ او نیوزیلینډ په سر کې دي. په دغه جام کې پرون د انګلستان لوبډلې پاکستان ته په دوو ویکټو ماتې ورکړه. پاکستانۍ لوبډلې په ټاکلو شویو شل اورونو کې ۱۶۴منډې د انګلستان لپاره هدف ټاکلي و. انګلستان په ۱۹ اوور کې د ۸ لوبغاړو په سوځیدو سره ورکړل شوي هدف پوره کړ. دغه راز د هند لوبډلې لپاره هم نیمه پایلوبې ته د تګ چانس کم شوی دی.