د چين د دوو مجلسونو کلنۍ غونډې پيل شوې او د نړۍ پام يې راخپل کړی دی. هغوی نه يوازې د پرمختيايي نقشې د ټاکلو لپاره د خلکو له هيلې څخه ډکې مېلې ته پاملرنه کوي بلکې د چين له ځانګړي نظام سره علاقه لري او غواړي چې د چين د پرمختګ د عجيب کار راز پيدا کړي. واقعاً که نړيوال غواړي چې پر چين ښه پوه شي، هغوی کولی شي چې د چين په کليوالو سیمو کې د چينايانو د ژوند په پرمختيايي جريان کې ځواب پيدا کړي. د بېلګې په توګه د چين په کلیوالو سيمو کې د سړکونو د اتصال پروژه.
رښتيا ده چې د لوېدیځو هېوادونو د صنعتګرو په نظر دغه پروژه د سوداګرو لپاره يوه داسې پروژه ده چې ترې هېڅ ګټې نه شي اخيستلی. خو د چين حکومت پر دې نظر موافق نه و او په تېرو څو لسيزو کلونو کې يې دغه پروژه پر يو عجيب کار بدل کړی او د پروژې د پلي کولو لپاره يې څو ټريليونه یوانه پانګه اچولې ده.
د ۲۰۲۶ م کال په فبروري کې د چين له خوا د خپاره شويو تازه معلوماتو له مخې د چين په کليوالو سيمو کې د جوړو شويو سړکونو اوږدوالی له ۴،۶۴ میليونو کليومترو څخه اوښتی او سړکونه يې شاوخوا دېرش زره علاقه داريو او څه باندې پنځه لکو کليو ته غځېدلي دي. دغه سړکونه چې اوږدوالی يې ۴،۶۴ میليونو کيلومتره دی، د چين هر ګوټ ته او حتی ډېر لرې پرتو سيمو ته هم غځېدلي دي.
معمولاً د لوېدیځ هېوادونو صنعتګر تل داسې وايي چې په دغو ځايونو کې د سړکونو جوړول امکان نه لري. څرنګه چې د دوی په اند که په يوه داسې کلي کې چې يوازې شل کورنۍ شته وي، سړک جوړ شي او پانګه به يې څه باندې لس میليونه يوانو ته ورسېږي، نو دا خامخا تاوان دی. د اقتصاد د علم له مخې همداشان سړک بايد جوړ نه شي. خو د چین حکومت تل دا فکر کوي چې که تاسو د چين د ولسي جمهوريت اتباع يی، هر چېرې چې وي، بايد د هېواد له پرمختيا څخه ګټې واخلي.
دا د چين فکرونه دي چې که په ځينو ملکي برخو کې پانګوال نه غواړي پانګه واچوي، حکومت به يې دغو برخو ته داخل شي او پانګه به واچوي او د خلکو د ژوند لپاره به ضمانت برابر کړي. د سړکونو د وصل د پروژې مهم ټکی سړک نه بلکې یوه سيسټماتيکه پروژه ده.کله چې په کليوالو سيمو کې سړکونه وصل شي، نو هم د برېښنا، شبکې او اوبو د برابرولو او هم د مالونو د لېږد رالېږد لپاره به ښه شرايط پوره شي. پخوا په ځینو کليوالو سيمو کې ځانګړي توليدات د ترانسپورټي ستونزو د موجوديت له کبله بهر ته نه شي لېږدېدای، خو اوس سړکونه پرانيستل شوي او بزګران کولی شي چې د انلاین سوداګرۍ په وسيله دغه ځانګړي توليدات د هېواد پر بېلابېلو سيمو وپلوري.
نو په کليوالو سیمو کې د سړکونو وصل د چينايي ملکيانو لپاره څه مانا لري؟ د سړکونو جوړونه نه يوازې خلکو ته د اسانتياوو د برابرولو بلکې د ژوند د ژغورلو مانا هم لري. پخوا په غرنيو سيمو کې که څوک سخت ناروغ شوی وي، د ترانسپورټي ستونزو له امله يوازې په کور کې پاتې شو او يا د مزل له لارې بهر ته تللی شي، خو اوس هغوی د امبولانس موټر له لارې روغتون ته لېږدول کېږي. بله خوا، دا خلکو ته هيلې رسوي په غرنيو سيمو کې د ماشومانو لپاره همدغه سړک بهر ته د دوی د تګ او لا نېکمرغه ژوند ته د لاسرسي لپاره يوه ښه لاره هم ده.
