د چين د ولسي سياسي مشورتي کنفرانس د ۱۴مې ملي کمېټې د څلورمې کلنۍ غونډې درېيمه عمومي ناسته د مارچ د اتمې نېټې په ماسپښين د بېجينګ د خلکو په لوی تالار کې پرانيستل شوه. په دغه ناسته کې د چين د کمونېست ګوند د مرکزي کمېټې د سياسي بيورو دايمي غړي او د ولسي سياسي مشورتي کنفرانس د ملي کمېټې رئیس وانګ هو نينګ ګډون کړی و او د ياد کنفرانس ۱۴ غړو پکې ويناوې کړې دي.
په ياده ناسته کې د چين د کمونېست ګوند د مرکزي کمېټې د سياسي بيورو غړي او د مرکزي مطبوعاتي څانګې مشر لي شو لی، د دولتي شورا غړې شن يي چين او یو شمېر نورو مسئولينو هم په بلنې ګډون کړی و او د نورو ګډونوالو ويناوې يې اورېدلې دي.
د ولسي سياسي مشورتي کنفرانس د ملي کمېټې غړي يانګ مينګ جه دغې ناستې په وينا کې ويلي: ((څه ډول نړۍ او څنګه باید جوړه شي؟ دا يوه مهمه موضوع ده او د انسانانو په راتلونکي او سرنوشت پسې تړلې ده. مونږ باید په فعاله توګه څلور نړيوال نوښتونه عملي کړو، د انسانانو د ګډ برخلیک ټولنې ابادۍ ته باید وده ورکړو، د ملګرو ملتونو مقام او صلاحيت باید ټينګ وساتو، د بهرنيو چارو په اړه د قوانينو حاکميت باید پیاوړی کړو او نړیوال نظم باید په لا عادلانه او معقول لوري يوسو.
