د چين د دولت رئيس شي جين پينګ ځانګړي استازي، د چین د کمونېست ګوند د مرکزي کمېټې د سیاسي بیورو غړي او مرستيال صدراعظم جانګ ګوه چينګ د مارچ په ۱۰مه نېټه په پاریس کې د اټومي انرژۍ د دویمې سرمشریزې په غونډه کې ګډون او وینا کړې ده.
جانګ ګوه چینګ ویلي، چین د رئیس شي جین پینګ د اټومي خوندیتوب (عقلاني، همغږي او ګډ پرمختګ) پر مفکورې ټینګار لري او د نړۍ د اټومي انرژۍ پراختیا کې يې په عملي اقداماتو ونډه اخیستې ده.
نوموړي ويلي، هېواد یې چمتو دی، چې له ټولو لورو سره په ګډه د نړيوال پرمختګ، امنيت، تمدن او ادارې وړانديزونه عملي کړي، د اټومي انرژۍ د نوښت پرمختګ، خوندیتوب، صنعتي او ګټې- ګټې همکارۍ ورسره پرمخ یوسي، د نړۍ د پرمختګ او سوکالۍ لپاره ګټورې لارې پيدا کړي او د پاکې، ښکلې او دوامدارې نړۍ او د انسانانو د ګډ برخلیک ټولنې په ابادۍ کې فعاله ونډه واخلي.
په يادې سرمشریزې کې د شاوخوا ۳۰ هېوادونو مشرانو، لوړپوړو استازو او د اړوندو نړیوالو سازمانونو مشرانو ګډون کړی و او د سرمشریزې ګډه اعلامیه « ټولو انسانانو ته خوندي او د توان وړ اټومي انرژي برابرول» يې خپره کړې ده.
