د چين او مصر خارجه وزيرانو د مارچ په ۱۲ مې نېټې تليفوني خبرې کړې دي.
د مصر خارجه وزير بدر عبدالعاطي خپل چيني سیال وانګ يي ته د سيمې د وضعيت او د مصر د دريځ په اړه معلومات ورکړي او خپلې اندېښنې یې ورسره شريکې کړې دي.
عبدالعاطي ويلي، د ملګرو ملتونو امنيت شورا پدې وروستيو کې يو پرېکړه ليک تصويب کړی دی او هېواد يې د شخړې له ښکېلو لوريو غواړي، چې له زغم کار واخلي او د سيمې وضعيت د لا ترينګلتيا مخه دې ونیسي. هغه زياته کړې، مصر د چين د متوازن او عادلانه دريځ او مهم رول قدرداني کوي او نږدې تماس به ورسره وساتي او په سیمه کې د کړکېچ د کمولو لپاره به ورسره ګډې هڅې وکړي.
د چين خارجه وزیر وانګ يي خپل مصري سيال ته د چين دريځ څرګند کړی او ويلي يې، چين او مصر د مسئولانه هېوادونو په توګه په ډيالوګ او سلامشورو د سيمې د ستونزې د حل ملاتړ او د زور له استعمال سره مخالفت کوي. چين غواړي له مصر او د سيمې له نورو هېوادونو سره تماس او همغږي وساتي او د سولې لپاره رغنده رول ته دوام ورکړي.
