د چين مېډيا ګروپ په کوربتوب د ((په پسرلي کې د چين پرمختګ نړۍ ته فرصتونه برابروي)) تر عنوان لاندې نړيوال ډيالوګ د امريکا پر ځايي وخت د مارچ په ۱۳مه نېټه په نيويارک کې ترسره شو.
د چين د مېډيا ګروپ مشر شن های شيونګ، په امريکا کې د چين سفير شيې فنګ، د امريکا او چين د سوداګرۍ ملي کمېټې مشر سيان سټېن او د کلمبيا پوهنتون پروفېسير جيفرې ساکس په جلا جلا توګه دغه فعاليت ته ويډيويي ويناوې وکړې.
شن های شيونګ په خپله وينا کې وويل، چې د چين د دوو ملي مجلسونو کلنۍ غونډې چين ته د کتنې مهمه کړکۍ بلل کيږي او هر کال د نړۍ پاملرنه راجلبوي. په سږنيو دوو غونډو کې د پنځلسم پنځه کلن پلان په شمول مهم سندونه تصويب شوي او د دغه هېواد د باکيفيته پرمختګ نقشه روښنانه شوې، چې دا د نړۍ لپاره ((د نويو فرصتونو لېست)) ښيي.
شن های شيونګ زياته کړه، چې د چين مېډيا ګروپ به خپل غوره والی وکاروي، په ۸۵ ژبو او په بهر کې د خپلو ۱۹۲ سټېشنونو او سي جي ټي اېن په شمول د نړيوالې شبکې له لارې به له نړيوالو دوستانو سره د معلوماتو او همکاريو د شريکولو لپاره خدمتونه وکړي.
د پانګونې، ساينس او ټېکنالوژۍ ډېرو متخصصينو په دغه فعاليت کې د چين د ساينسي او ټېکنالوژيک نوښت او د لوړ کيفيت د پرمختګ په اړه د نظريو تبادلې وکړې.
د ((په پسرلي کې د چين پرمختګ نړۍ ته فرصتونه برابروي)) نړيوال ډيالوګ به د اروپا، افريقا، منځني ختيځ، لاتيني امريکا او اسيا په ډېرو هېوادونو کې ترسره شي.
