د اټومي انرژۍ نړيوالې ايجنسۍ تر چوکاټ لاندې د فزيکي توکو د ساتنې په اړه د سلامشورتي خدماتو ۱۲ورځنۍ غونډه په دې وروستيو ورځو کې د چين د اړوندو کارونو تر ارزونې وروسته د دغه هېواد په پلازمېنه بېجينګ کې پای ته ورسېده. دغې نړيوالې ايجنسۍ د جولای په ۱۱مه نېټه خبر ورکړ، د چين د ذروي امنيت د ساتنې سيستم په سيستماتيکه او عمومي توګه پياوړی شوی او څو تجربې يې د نړيوالې ټولنې لخوا د زده کړې وړ بللې دي.
د چين د ذروي انرژۍ ملي ادارې مرستيال ليو جين يادې غونډې ته ويلي، چين تل د ملي امنيت د ساتلو په پار ذروي تاسيسات خوندي کړي او په دې وروستيو کلونو کې يې د قانوني سيستم، د څار وړتيا، تخنيکي څېړنې او نړيوالې همکارۍ په شمول برخو کې واقعي پرمختګونه موندلي دي.
