د چين صدراعظم لي چيانګ د جولای د ۱۱مې نېټې په سهار په بېجينګ کې له خپل کوريا ولسي ډيموکراتيک جمهوريت سيال پاک تای سونګ سره ليدلي دي.
د چين صدراعظم لي چيانګ د کتنې په ترڅ کې ويلي، چين او ډيموکراتيکې کوريا له ګډ برخليک سره شريک او يو له بل سره مرسته کوونکي ښه ګاونډيان دي. چين غواړي له ډيموکراتيکې کوريا سره د دواړو ګوندونو او مشرانو شوې ګډې نظريې پلې کړي، د دواړو هېوادونو د دوستۍ او همکارۍ تړون د روحيې له مخې د لوړې کچې خپلمنځي تګ راتګ پياوړی کړي، متقابل سياسي باور ټينګ کړي، واقعي همکارۍ پراخې کړي، د دواړو هېوادونو خلکو ته زياتې ګټې ورسوي او د سيمې او نړۍ د سولې او پرمختګ لپاره خدمتونه تر سره کړي.
د ډيموکراتيکې کوريا صدراعظم پاک تای سونګ څرګنده کړه، هېواد به يې د خپلو مرکزي ګټو د ساتلو په پار د چين له هڅو ملاتړ وکړي، غواړي چې له چيني لوري سره د دواړو ګوندونو او مشرانو شوې موافقې مراعات کړي، د دواړو هېوادونو د دوستۍ او همکارۍ تړون د ۶۵مې کليزې په درشل کې د لوړې کچې خپلمنځي تګ راتګ او ستراتيژيک تماسونه زيات کړي، په اقتصادي او سوداګريزو چارو، ساينس او ټکنالوژۍ او کلتوري ساحو کې خپلمنځي همکارۍ پراخې کړي، په نړيوالو چارو کې خپلمنځي همغږۍ پياوړې کړي او د سوسياليستي چارو د پرمختګ لپاره ګډ کوښښونه وکړي.
