راشد خان: ملي لوبې راته تر هر څه ډېر لومړیتوب لري

د افغان کرکټ ملي لوبډلې ستوري لوبغاړي راشد خان ویلي، له ایرلېنډ سره د یو ورځنیو سیالیو لپاره یې د ۱۰۰ بالیز لیګ پرېښود، ځکه «ملي لوبې تر هر څه ډېر لومړیتوب لري.» دکریک‌انفو د راپور له مخې، راشد خان د (اېم آی لندن) لپاره په خپله وروستۍ لوبه کې په ۲۰ بالونو کې یوازې ۱۷ منډې ورکړې او پنځه لوبغاړي یې وسوځول. د هغه لوبډلې لوبه وګټله او راشد د سیالۍ غوره لوبغاړی وټاکل شو. راشد خان ویلي، د ۱۰۰ بالیز لیګ له ګډون څخه یې خوند اخیستی، خو ملي دنده یې لومړیتوب دی او په ښه باور سره د ایرلېنډ پر وړاندې د افغانستان له لوبډلې سره یوځای کېږي. ټاکل شوې ده چې د افغانستان او ایرلېنډ ترمنځ د پنځو یو ورځنیو سیالیو لړۍ د اګست په پنځمه پیل شي.