اوکراین؛ کییف کې د روسیې ډرون برید له امله ۳۷ کسان مړه شوي

د اوکراین په کییف کې د روسیې د ډرون برید له امله د مهماتو په یوه زېرمتون کې پراخې چاودنې شوې چې لږ تر لږه ۳۷ کسان یې وژلي او لسګونه نور یې ټپیان کړي دي. اوکرایني چارواکي وايي، دا په روان کال کې پر کییف تر ټولو مرګونی برید دی.  د اوکراین ولسمشر ولودیمیر زیلینسکي ویلي، چې دغه برید د «میلا» په کلي کې پر یوه پوځي تاسیسات شوی، چې توپ مرمۍ، ماینونه، ډرونونه او نور مهمات پکې ساتل کېدل. د چاودنو له امله سلګونه کسان له سیمې ایستل شوي او شاوخوا ۵۰ استوګنیزې ودانۍ او د زړو او معلولانو یوه مرکز هم زیانمن شوي دي.  زیلینسکي د استوګنیزو سیمو ترڅنګ د چاودېدونکو توکو ساتل «سخته بې‌پامي» بللې او ویلي یې دي چې د مسوولو چارواکو پر ضد د غفلت په تور څېړنې پیل شوې دي.