د غزني چارواکي وايي چې په قره باغ ولسوالۍ کې د ملکي کسانو پر موټر برید شوى چې په ترڅ کې یې پنځو کسانو ته مرګ ژوبله اوښتې ده. د قره باغ ولسوالۍ امنیه قوماندان سمونمل سید احمد، وايي چې تېر ماښام ناوخته وسله والو طالبانو د قره باغ ولسوالۍ د زردالو په سیمه کې د ملکي خلکو پر موټر برید کړی چې په ترڅ کې یې درې کسان وژل شوي او دوه یې ټپیان دي. ده زياته کړه، د ټپیانو روغتیایي حالت نازک دى. د سيمې اوسېدونکي وايي، دغو کسانو ته چې د قره باغ ولسوالۍ د ګولکو د سيمې اوسېدونکي دي، طالبانو د موټر درولو لپاره لاس ورکړى و، خو هغوى موټر نه و درولى چې په همدې سره طالبانو پرې ډزې کړي، درې تنه په کې وژل شوي او دوه نور ژوبل دي. خو طالبانو په دې اړه څه نه دي ويلي.
غزني کې ملکي خلکو ته مرګ ژوبله اوښتې
Get real time update about this post categories directly on your device, subscribe now.
- Trending
- Comments
- Latest
