د امريکا ولسمشر ډونالد ټرمپ پولنډ ته خپل سفر لغوه کړ. ټرمپ به په خپل هېواد کې پاتې شي، څو د دوريان په نوم د هغه توپان چاره وکړي چې په څو ورځو کې يې فلوريډا ايالت ته د ورتګ خطر شته. ډونالد ټرمپ په سپينه ماڼۍ کې وويل، د دې لپاره چې ډاډمن شي چې د فدرال حکومتي ټولې منابع د توپان پر راتګ تمرکز وکړي، نو پولنډ ته خپل سفر لغوه کوي. ده ویلي، پرېکړه يې کړې چې راتلونکې اوونۍ پولنډ ته خپل مرستيال مايک پنس ولېږي. نوموړي ويلي، مهمه دا ده چې په واشنګټن کې پاتې شي او د هغه توپان د ستونزې چاره وکړي چې ممکن ډېر لوى هم وي. په پام کې وه چې ولسمشر ټرمپ سبا شنبه د دوهمې نړيوالې جګړې د پيل د اتيايمې کليزې په مناسبت جوړو شويو مراسمو کې د ګډون لپاره د پولنډ پلازمېنې وارسا ته روان شي.
ټرمپ پولنډ ته خپل سفر لغوه کړ
Get real time update about this post categories directly on your device, subscribe now.
- Trending
- Comments
- Latest
