د هند په گجرات ايالت کې د استخباراتي راپورونو د ترلاسه کېدو وروسته د تيارسئ حالت اعلان شوی دی. د هندي رسنيو د معلوماتو له مخې د پاکستان کماندو ځواک ښايي برید وکړي. تر دې استخباراتي معلوماتو وروسته د هند د گجرات ایالت په بندرونو کې د تیارسئ حالت اعلان شوی دی. ويل شوي چې د پاکستان روزل شوی کماندو ځواک د کُچ خليج ته داخل شوی دی او ښايي هڅه به یې داوي چې په گجرات کې زور زياتي ته لمن ووهي. ويل کيږي چې دا کماندويان د اوبو لاندې حملو له پاره هم تربيه شوي دي او له دې وجې د بندرونو د چلولو ادارې له خوا د امنيت د ټينگولو په موخه لارښوونه شوې ده. په نوي ډيلي کې د چارواکو له خوا ويل شوي چې دا کماندويان ممکن د پاکستان د پوځ کارکوونکي يا د پاکستان د پوځ له خوا د تربيه شوې يوې وسله والې ډلې غړي وي چې موخه یې هند ته په داخلېدو سره د بريدونو ترسره کول وي.
هند خپلو ځواکونو ته د پاکستان پر وړاندې د تیارسی امر کړی
Get real time update about this post categories directly on your device, subscribe now.
- Trending
- Comments
- Latest
