د روسیې دفاع وزارت وايي چې یوه جټ الوتکه یې د ازوف سمندرګي پرسر د تمریني الوتنو پرمهال نسکوره شوې ده او دواړه پیلوټان یې لادرکه دي. د روسیې دفاع وزارت ویلي، د دې L-39 ډوله الوتکې پیلوټانو مخکې له دې چې الوتکه را پرېوځي خپل ځانونه د پاراشوټ په وسیله غوځار کړي دي. د چارواکو په خبره د پېلوټانو د موندلو عملیات پيل شوي دي. روسي خبري آژانسونو د یوې سرچینې په حواله خبر ورکړی چې ښايي پیلوټان ژوندي وي خو مرستندوی ټیمونه یې تراوسه په موندلو نه دي بریالي شوي. د روسیې دفاع وزارت وايي، په الوتکه کې مهمات نه و، او د دوی د لومړنیو موندنو له مخې د نسکوریدو علت یې تخنیکي ستونزې دي.
د روسیې یوه پوځي جیټ الوتکه لوېدلې ده
Get real time update about this post categories directly on your device, subscribe now.
- Trending
- Comments
- Latest
