تمیم اقبال له اوږده ځنډ ورسته د مینوالو له تاوده هرکلي سره مخ شو

د بنګله دیش ملي لوبډلې توپ وهونکي تمیم اقبال د زیمبابوې خلاف، د یو ورځنیو لوبو په لوبلړۍ کې په تیرو دریو لوبو کې، ۳۱۰ منډې جوړې کړې دي. نوموړی په ۲۰۷ یو ورځنیو لوبو کې تر دې دمه ټولې ۷۲۰۲ منډې لري او تر ټولو لوړې منډې یې ۱۵۸ دي، چې د زیمبابوې خلاف یې په روان سېریز کې په دویمه یو ورځنۍ لوبه کې جوړې کړې. تمیم اقبال د بنګله دیش ملي لوبډلې یو له ډیرو تجربه لرونکو توپ وهونکو څخه دی؛ خو تر دې وړاندې په ځینو لوبو هیڅ ښه نه ځلېده او له کبله یې د مینوالو شمیر هم کم شوی و؛ خو د زیمبابوې خلاف یو ځل بیا پخواني حالت ته راغی، چې په ورستیو دوه پاڼیو کې یې ۲۸۶ منډې جوړې کړې او خپل مینوال یې خوشحال کړل.