د هند او سویلي افریقا ترمنځ ۵۰ اوریز سیریز پیلېږي

د هندوستان او سویلي افریقا کرکټ لوبډلو ترمنځ د دریو یو ورځنیو لوبو سېریز پیلېږي. لومړۍ لوبه یې نن غرمه ۱۲:۳۰ بجې ترسره کیږي، دویمه لوبه د روانې مارچ میاشتې په ۱۵ مه او دریمه به یې په ۱۸ مه نیټه ترسره شي. هندۍ لوبډلې تر دې وړاندې له نیوزیلنډ سره لوبلړۍ ترسره کړې، چې یوازې ۲۰ اوریزې لوبې یې ټولې وګټلې؛ خو ټیسټ او یو ورځنۍ لوبې یې بیا پرله پسې بایلودې او سویلي افریقا لوبډلې بیا تازه په دریو پرله پسې لوبو کې، اسټرالیا لوبډلې ته ماتې ورکړې ده. چې تر بل هر وخت اوس مهال په یو ورځنیو لوبو کې ښه ځلېدلې ده. دا چې دواړه لوبډلې په یو ورځینو لوبو کې ډیرې پیاوړې دي؛ نو ترمنځ به یې دا لوبلړۍ هم ډیره په زړه پورې ترسره شي.