ټاکنو کمیسیون: د ولسي جرګې ټاکنو لومړنۍ پایلې به یوه میاشت وروسته اعلان شي

د ټاکنو خپلواک کمیسیون کمیشنر او ویاند سید حفیظ الله هاشمي وایي، ټاکل شوې ده د افغانستان د ۳۲ولایتونو د ولسي جرګې د ټاکنو لومړنۍ پایلې د د لیندۍ یا قوس میاشتې په دویمه خو د کابل هغه به بیا د همدې میاشتې په لسمه نېټه اعلان شي. که څه هم ټاکل شوې وه، د ولسي جرګې د ټاکنو لومړنۍ پایلې د لړم میاشتې په ۱۹مه اعلان شوې وای خو د یاد کمیسیون د ویاند په خبره، دا پرېکړه یې له ولایتونو نه د ټاکنیزو موادو په لېږد کې د ځنډ له امله کړې ده. هاشمي دغه راز وویل، چې ټاکنو کمیسیون به له غور وروسته په روانه اوونۍ کې د ولسمشریزو او ولسوالۍ شوراګانو ټاکنو په اړه هم خپله وروستۍ پرېکړه اعلان کړي. دا په داسې حال کې ده چې همدا نن یو راپور خپور شو چې په فراه کې د نسکورې شوې چورلکې په پېښه کې د ټاکنو کمیسیون ډیری مواد هم له منځه تللي دي.