د سي پي ایل لیګ سیالیو پایلوبه د ټرينباګو نايټ رايډرز او سينټ لوشيا زوکس لوبډلو ترمنځ ترسره شوه، چې نايټ رايډرز لوبډلې پکې لوشيا زوکس ته په ۸ ویکټو ماتې ورکړه. په دې لوبه کې نايټ رايډرز لوبډلې د پچې په ګټلو سره لومړی د توپ اچونې پریکړه وکړه. سينټ لوشيا زوکس لوبډلې د ټولو لوبغاړو په سوځېدو سره سیالې لوبډلې ته په ۱۹،۱ اورونو کې د ۱۵۵ منډو هدف وټاکه. د لوشيا زوکس لپاره د افغان توپ وهونکو له ډلې نجیب ځدراڼ ۲۴ او محمد نبي یوازې دوه منډې جوړې کړې. د ټرينباګو نايټ رايډرز لوبډلې پیل ښه ونه کړ، چې دوه لوبغاړي یې ډیر ژر وسوځېدل؛ خو بیا یې ترپایه بل لوبغاړی ونه سوځېده او لوبه یې په ۸ ویکټو وګټله. د سينټ لوشيا زوکس لپاره هیڅ توپ اچونکی ښه ونه ځلېده او پایلوبه یې بایلوده. د لوبې غوره لوبغاړی پکې لینډل سیمونز شو چې ۸۴ ناسوځېدلې منډې یې جوړې کړې.
ټرينباګو نايټ رايډرز لوبډلې د سي پي ایل لیګ اتلولي خپله کړه
Get real time update about this post categories directly on your device, subscribe now.
- Trending
- Comments
- Latest
