هند په بادغیس کې د نجونو یوه ښوونځي ته نوې دوه پوړیزه ودانۍ جوړه کړې ده. د بادغیس ولایت په ابکمري ولسوالۍ کې د کوچه زرد د نجونو عالي لېسې نوې ودانۍ د یو لړ مراسمو په ترڅ کې د زده کوونکو پرمخ پرانېستل شوه. د ښوونځي نوې ودانۍ، چې د هندوستان په مالي مرسته جوړه شوې، د یادې ولسوالۍ سلګونو ښځینه زده کوونکو ته یې د زده کړو خوندي درسي چاپېریال برابر کړی دی. د بادغیس د پوهنې رییس ډاکټر زکریا رحیمي د یادې ودانۍ پرانېستل ددې ولسوالۍ د پوهنې کیفیت لوړېدو برخه کې یو مهم ګام وباله او له زده کوونکو او د سیمې له اوسېدونکو یې وغوښتل چې ساتنې او مراقبت ته یې جدي پاملرنه وکړي. په دې ودانۍ کې پر یو وخت شاوخوا ۷۰۰ زده کوونکي زده کړې کولای شي.
بادغیس کې د هند په مالي مرسته د ښوونځي ودانۍ پرانېستل شوه
Get real time update about this post categories directly on your device, subscribe now.
- Trending
- Comments
- Latest
