د غازي امان الله خان په نوم د زونونو په کچه د لیست اې ۵۰ اوریزو سیالیو په پایلوبه کې مس عینک لوبډلې امو ته د ۷ ویکټو په توپیر ماتې ورکړه او د دې پایلوبې په ګټلو سره یې له خپلې اتلولۍ دفاع وکړه. په دې پایلوبه کې د لوبې بچه مس عینک لوبډلې وګټله او امو لوبډلې ته یې د توپ وهنې بلنه ورکړه. امو لوبډلې د ۷ لوبغاړو په سوځېدوسره سیالې لوبډلې ته د ۲۶۱ منډو هدف ورکړ، چې په توپ وهنه کې د امو لپاره تر ټولو ډیرې ۱۰۷ منډې عبدالمالک جوړې کړې او په توپ اچونه کې د مس عینک لپاره بیا ضیاالرحمن اکبر، ظاهر خان او ضیا الرحمن دوه دوه لوبغاړي وسوځول. په دویمه پاڼۍ کې مس عینک لوبډلې د ۲۶۱ منډو هدف په ۴۶.۱ اورونو کې پوره کړ او لوبه یې د ۷ ویکټو په توپیر وګټله. د لوبې غوره لوبغاړی پکې رحمن الله ګربز شو، چې په ۱۰۰ توپونو یې ۱۲۸ منډې جوړې کړې وې.
مس عینک لوبډلې په کورني کرکټ کې له خپلې اتلولۍ دفاع وکړه
Get real time update about this post categories directly on your device, subscribe now.
- Trending
- Comments
- Latest
