د انګلستان او جنوبي افریقا کرکټ ملي لوبډلو ترمنځ د دریو شل اوریزو لوبو لړۍ پایته ورسېده، چې پکې انګلستان لوبډلې په پرله پسې دریو لوبو کې بریا خپله کړه او سیالې لوبډلې ته یې وایټ واش ماتې ورکړه. د دواړو لوبډلو ترمنځ ٣مه نړيواله شل اوريزه لوبه تیره شپه په کېپ ټاون کې ترسره شوه، چې افريقا لوبډلې د لوبې پچه وګټله او لومړى يې توپوهنه غوره کړه. افريقا لوبډلې په ټاکلو ٢٠ اورونو کې د ٣ لوبغاړو په سوځېدو سره د ۱۹۲ منډو هدف ورکړ. د افریقا لپاره په توپ وهنه کې راسي ون در دوسين په ٣٢ توپونو ډیرې ٧٤ ناسوځېدلې منډې جوړې کړې. د ١٩٢ منډو هدف د انګلستان لوبډلې په ١٧.٤ اورونو کې د ١ لوبغاړي په سوځېدو سره پوره کړ او د ٩ ويکټو په ستر توپير يې د جنوبي افريقا لوبډلې ته ماتې ورکړه. د انګلستان لپاره په توپ وهنه کې بیا ډيويډ ملن د ٥ شپږيزو او ١١ څلوريزو په مټ په ٤٧ توپونو ٩٩ ناسوځېدلې منډې جوړې کړې. د لوبې د غوره لوبغاړي او همدا راز د لوبلړۍ د غوره لوبغاړي جايزې ډيويډ ملن ترلاسه کړې چې ښه ځلېدلی و. د یادولو ده چې د انګلستان او افريقا لوبډلو ترمنځ د ٣ نړيوالو يو ورځنيو لوبو لړۍ هم پيلېږي، چې لومړۍ لوبه به یې د روانې دسمبر میاشتې په ٤مه نېټه ترسره شي.
په شل اوريزه لوبلړۍ کې انګلستان جنوبي افريقا وايټ واش کړه
Get real time update about this post categories directly on your device, subscribe now.
- Trending
- Comments
- Latest
