بريالي خلک له خپلو پیسو سره دا تېروتنې نه کوي

هغوی چي نن د بریا پر لوړو پوړو ناست دي؛ دې ځای ته د رسېدو لپاره له کړاوونو او کړنګونو تېر شوي دي. اوس پوښتنه دا ده چي بریالي کسان په خپلو پیسو کوم کارونه کوي؟

په بریالیتوب کې د پیسو اغېزناک مدیریت له مهمو مهارتونو څخه دی. ډېری بریالي کسان د خپل ژوند له لومړیو کلونو تصمیم نیسي چې د پیسو په اړخ کې اغېزناک اوسي.

ستاسې د عوایدو پر بنسټ ژوند کول د مالي مدیریت یو مهارت دی. د نړۍ ډېرو بریالیو کسانو په خپل توان سره له دې اصله کار اخیستی دی. د بېلګې په ډول، سرجان تمپلتون یو افسانوي پانګوال چي ميليونر شو، حتی کله چي له محدودو لارو تېر شو، خپل ۵۰سلنه عواید یې سپما کړل. موږ که ۵۰سلنه نه شو کولای، کولای شو چې له ۱۰- ۱۵سلنه عوایدو په سپما کولو سره مالي بریالیتوب حاصل کړو.

مهم ټکی: د سپما لارې چارې ولټوئ!

بریاليو کسانو ته د توکو بیه مهمه ده، هغه نرخ چې د ډوډۍ، یوه جوړه کاليو یا پانګونې لپاره یې ورکوئ، یوازې د کیسې یوه برخه ده. بریالي کسان د یادو توکو نرخ ته هم حساب کوي. په پانګونو کې، د هماغې پانګونې ودې ته په راتلونکې کې حساب کوي.

د شخصي مواردو لپاره باکیفیته توکي اخلي چې ډېر وخت او عمر ولري. د بېلګي په ډول، شونې ده یو ډول تجارتي بوټ چي بیه يې ۲۰۰ ډالره یا تر دې ډېره وي يوه موده کار درکړي، مګر که له دې بوټو په صحیح توګه ساتنه وشي؛ کلونه وخت به ووهي.

مهم ټکی: لوړ کیفیت لرونکي توکي وپېرئ چې د ډېر وخت لپاره دوام وکړي!

بریالي کسان پوهېږي چې څنګه خپل ضمانتونه مدیریت کړي. باید پر خپلو قسطونو په میاشت کې یو حد کېږدی. د CNN په حواله، د امریکايي کورنیو سامان الاتو متوسط نرخ له ۱۵ زره ډالره زیات قسط په ځان پسې لري. همدارنګه بریالي کسان همېشه خپلو بانکي تنخواګانو ته هم یو نظر کوي چې څومره اندازه له ATM کارته د استفادې او نورو پېښو لپاره ورکوي. کله مو چې د سیسټم د کار د ډول لاره بیاموندله، له دې تنخواګانو څخه د خلاصون لاره  اسانه ده.

مهم ټکی: یوازې په هره میاشت کې له ۵- ۱۰ دقیقو خپل مالي حساب ته بیاکتنه وکړئ. دا هغه ټول وخت دی چې د دې تنخواګانو د درک او په هغو کې د سپما لپاره لازم دی.

بریالي کسان په ژوند کې تر ژورو تحولاتو وروسته خپله شتمني له هغه سره مطابق همغږې کوي.

ایا تازه واده مو کړی دی؟ ایا ستاسې خاوند ستاسو له هیلو او ارزوګانو خبر دی؟ دا هغه ټکي دي چي بریالي کسان یې په خپلو مالي چارو کي په خورا اغېزناک ډول ترسره کوي. خپل ژوند او خپلو مالي طرحو ته بیاکتنه کول لږترلږه په کال کي یو وار، دا د مهمو حالاتو او شرایطو لاندي راتلو پر مهال خورا عالي او بهترین اسلوب دی.

بریالي کسان پر ولاړو او سوکه عوایدو قانع نه دي؛ هغوی د خپلو عوایدو د لوړولو لپاره د لارو په پیداکېدو پسې دي.

ځینې کسان د ډېرو پیسو غوښتنه نلري یا یوازې د لږو پیسو په ترلاسه کولو سره قناعت کوي. متاسفانه ستاسې د عوایدو هغه اندازه چي تاسې یې د لاسته راوړلو لپاره ځای پر ځای ولاړ یاست، دا له ستاسې څخه د پېر قدرت اخلي. بلخوا بریالي کسان د لا ډېرو عوایدو په ترلاسه کېدو پسې دي. ډېر عواید تاسې ته د خپلو شخصي علایقو لپاره انتخاب او یو ډول د خوندیتوب احساس درکوي.

بریالي کسان هره ورځ د خپلو عوایدو د لوړېدو لپاره کار کوي. د بېلګي په ډول، په زده کړییزو دورو کې د خپلو مهارتونو د زیاتېدو لپاره ګډون کوي یا د خپل شرکت لپاره د نوښت او خلاقیت زیاتېدو په نظریاتو کې همکاري کوي. هغوی پوهېږي چي څرنګه د زیاتو پیسو لپاره اقدام وکړي.

مهم ټکی: له ځانو سره لطف وکړئ او داسې مهارتونه ترلاسه کړئ چې د لوړ عاید درلودونکي وي.

بریالي کسان په هره میاشت کې د خپلو مالي چارو د بیاکتنې لپاره د اخطاریو دوره وار زنګ لري.

مالي بریالیتوب ته رسېدل د ځینو ارامو او مستمرو عادتونو ایجادول غواړي. په دې کې کېدلای شي ستاسې د بېلانس د کنټرول عادت هم شامل شي. بریالي کسان په هره میاشت کې له ۳۰-۶۰دقیقو د خپلو مالي چارو بیاکتنې ته ورکوي: پانګونې، بانکي حسابونه، د اعتبار کاردونه او… کله چې تېروتنه ويني، سملاسي اقدام کوي.

بریالي کسان د خپلو پیسو په باره کې احمقانه ریسک نه اخلي.

د وارن بافت (Warren Buffett) له قوله چي ويلي یې دي:” د پیسو دوه قانونه دي: لومړی قانون دا دی چي هېڅکله پیسې له لاسه مه ورکوئ. دویم قانون  لومړي قانون ته پاملرنه وکړئ. “ هر ډول پانګونه له یو لړ خطرونو سره تړلې ده او پر دې اساس د پیسو د له لاسه ورکولو پوتنشیل هم په ځان پسې لري. ویل شوي دي چې بریالي کسان له ماتې او ضرر څخه د پرهېز په موخه له دوو قوي وسایلو استفاده کوي. هغوی د خطر د کنټرول لپاره د عاید ګټونکې شتمنۍ ایجاد او د بېمې ارزښت درک کوي،لکه کور او  عمر بېمه.

بریالي کسان متخصصو کسانو ته مسوولیت نه سپاري.

بریالي کسان د متخصصو کسانو سپارښتنې تعقیبوي او سره له دې هیڅکله هغوی ته مسوولیت نه سپاري. د بېلګي په ډول، دا ډېره ښه ده چي د خپلو مالي چارو د پلانولو لپاره دې له مالیاتي حسابدار څخه سپارښتنې طلب کړئ، مګر بریالي کسان د پوښتلو لپاره وخت ورکوي او له هغه کس څخه د سپارښتنو اخیستلو دمخه یوار هغه ارزیابي کوي.

بریالي کسان پوهېږي چي مالي بریالیتوب یوازې د بریالي ژوند یو اړخ دی.

په مالي بریالیتوب پسي تلل یو ارزښتمن هدف دی. مهمې مالي منابع، تاسې ته زیات انتخابونه درکوي، څو هغو دلایلو ته په کتو سره چې تاسې پرې باور لری، وخت او انرژي ځانګړې کړئ. همدارنګه کېدلای شي چي ټکنالوژۍ، روغتیا او فراغت ته د لاسرسي په معنا وي، مګر بریالي کسان پوهېږي چې مالي بریالیتوب یوازې د ژوند یوه برخه ده. د بېلګي په ډول، د پیسو ضایع کېدو له وجې روغتیا ته پام نه کول، یوه ډېره کمزورې ستراتېژي شمېرل کېږي.