پنټاګون: افغان هوايي ځواک تر ډېره پر قراردادیانو متکي دی

د امریکا دفاع وزارت وایي دمګړی افغان هوايي ځواک پر قراردادیانو متکي دی چې د سرتېرو له وتلو سره ښایي دا برخه یو څه کمزورې شي. د امریکا د دفاع وزارت یا پنټاګون ویاند جان کربي په خپلو تازه څرګندونو کې ویلي چې د افغان هوایي پوځ ډېره برخه چارې پر قراردادیانو متکي دي، چې تر وتلو وروسته دا برخه ښایي کمزوري شي خو بیا هم د امریکا ملاتړ له ځان سره لري. دده په خبره د امریکا ملاتړ به غیر ملموس وي او یوازې په مالي برخه کې به دا مرستې او همکارۍ دوام کوي. پنټاګون داسې مهال دغه څرګندونې کوي چې ولسمشر غني بیا په تازه څرګندونو کې افغان پوځ پر ځان متکي بللی و او په وینا یې د هر ډول عملیاتو او بریدونو صلاحیت، وړتیا او واک له ځان سره لري.