د راپورونو له مخې د یمن د حکومت او حوثي یاغیانو ترمنځ د مارب ښار پر سر سخت جګړه روانه ده او په تېرو څلوېښتو ساعتونو کې پنځوس کسه په دې جګړه کې وژل شوي دي. مارب د یمن هغه ښار دی چې د تېلو تر ټولو ډېرې زېرمې لري او د یمن د حکومت تر کنټرول لاندې دی. حوثي یاغیان یې د نیولو په لټه کې دي، خو په وروستیو جګړو کې شاوخوا ۴۷ حوثیان په نښتو کې وژل شوي. دغه راز ۷ حکومتي عسکر هم په جګړه کې وژل شوي دي. په یمن کې په روان میاشت کې بیا شاوخوا څلور سووه کسان د دواړو لورو په جګړه کې وژل شوي دي. حوثیان د ایران ملاتړ له ځان سره لري او د یمن د قانوني حکومت پر وړاندې جګړه کوي.
په یمن کې په تازه نښتو کې پنځوس کسه وژل شوي دي
Get real time update about this post categories directly on your device, subscribe now.
- Trending
- Comments
- Latest
