نړیوال بانک ویلي چې د روانې میاشتې تر لسمې نیټې به مرستندویه هېوادونه د بشري مرستو لپاره د افغانستان د بیا رغونې صندوق ته د دغه هېواد د کنګل شوې مالي پانګې د انتقال په اړه خپله وروستۍ پرېکړه اعلان کړي. رویټرز اژانس د نړیوال بانک د ویاند له قوله راپور ورکړی دی چې په راتلونکې اوونۍ کې به دغه سازمان بشردوستانه بنسټونو ته د افغانستان د مالي پانګې د لېږد په اړه پرېکړه وکړي. هغه څرګنده کړې ده چې له دې چارې یې هدف په افغانستان کې د فقر مخنیوی او اړمنو سره مرسته ده. د یادونې ده چې د نړیوال بانک مدیره پلاوي څو ورځې وړاندې د دغه بانک د هغې پرېکړې ملاتړ وکړ چې ویلي یې وو د افغانستان د یو میلیارد او ۵۰۰ میلیون ډالري کنګل شوې مالي پانګې څخه باید ۲۸۰ میلیونه ډالر له افغانانو سره د مرستې په موخه نړیوالو مرستندویه سازمانونو ته ورکړل شي.
نړیوال بانک: ژر به افغانستان د ۲۸۰ میلیون ډالرو د لېږد په اړه پرېکړه وشي
Get real time update about this post categories directly on your device, subscribe now.
- Trending
- Comments
- Latest
