د افغانستان په جوزجان ولایت کې د افغانستان په کچه درېیم ستر بندر بېرته پر فعالیت پیل کوي. د جوزجان ولایت سیمه ییزو چارواکو ویلي چې د دې ولایت په قرقین ولسوالۍ کې د افغانستان او ترکمنستان ترمنځ د کلفت په نامه بندر بېرته له سره فعالېږي. د یاد ولایت د سرحدي ځواکونو قومندان ملا جوره رسنیو ته ویلي چې په نږدې راتلونکي کې به یاد بندر بېرته پر فعالیت پیل وکړي چې ورسره جوخت به ګڼ شمېر هېوادوالو ته د کار زمینه برابره شي او دغه راز به د افغانستان د اقتصاد غوړېدو سره مرسته وکړي. دغه بندر چې په ۱۳۱۳ لمریز کال کې په رسمي ډول د دواړو هېوادونو ترمنځ پرانیستل شوی دی له ترکمستان څخه ورباندې نفتي توکي واردېږي او دغه راز له دې اړخه د وچې او تازه مېوې په ګډون نور افغان توکي صادرېږي.
د افغانستان-ترکمنستان ترمنځ کلفت بندر بېرته فعالېږي
Get real time update about this post categories directly on your device, subscribe now.
- Trending
- Comments
- Latest
