امریکا دې په افغانستان کې روان اقتصادي بحران ودروي. الجزیرې انګلیسي په یوه تحلیل کې ویلي، چې د افغانستان د اوسني بشري ناورین او اقتصادي ځوړتیا ستر لامل د امریکا تګلاره ده او دغه هېواد ته په کار ده چې له ناروا لاس واخلي.
سرچینه کاږي امریکا د افغانستان میلیاردونه ډالر شتمني کنګل کړې، چې له امله یې ددغه هېواد پولي ارزښت راټيټ شوی، نرخونه لوړ شوي، د معاشونو په ورکړه کې ځنډ راغلی، بهرنۍ سوداګرۍ په ټپه درېدلې او دا چې افغانستان وارداتي هېواد دی، نو سوداګر سوداګرۍ ته زړه نه ښه کوي له همدې امله په افغانستان کې د یوه پراخ ناورین د راتګ خبرداری ورکول کېږي.
سرچینه کاږي امریکا ته په کار ده چې بې قید او شرطه او یا د معقولو شرطونو له لارې د مرکزي بانک شتمني ازاده کړي او افغانستان له یوه ناورین وژغوري.
