د نړۍ ۵۹٪ ترهګریز بریدونه په پنځو هېوادونو کې ترسره شوي دي

د امریکا د بهرنیو چارو وزارت په یوه راپور کې راغلي، چې په ۲۰۱۷ کال کې د نړۍ په ۱۰۰ هېوادونو کې ترهګریز بریدونه شوي دي چې له دې ډلې یوازې ۵۹ سلنه یې په پنځو هېوادونو کې ترسره شوي. په دې هېوادونو کې، افغانستان، عراق، سوریه، نایجریا او سومالیا شامل دي. په ټولو ترهګریزو بریدونو کې د اوښتې مرګ ژوبلې ۷۰ سلنه برخه هم په یادو پنځو هېوادونو کې رامنځ ته شوې ده. د بهرنیو چارو وزارت په راپور کې دا نه دي راغلي، چې ددغو ترهګریزو بریدونو ټوله مرګ ژوبله څومره ده، خو وایي امریکا د نړۍ په ګوټ ګوټ کې د ترهګریزو کړنو پر وړاندې خپلې مبارزې ته ادامه ورکوي. اسلامي دولت یا داعش او القاعده د ډېرې مرګ ژوبلې اړوونکي بلل شوي دي.