ټرمپ: که استیضاح شم خلک به پاڅون وکړي

د امریکا ولسمشر ډونالډ ټرمپ وایي، د خپلې استیضاح په اړه هیڅ اندېښنه نه لري. د رویټرز اژانس د خبر له مخې هغه ویلي، دا سخته ده په داسې حال کې چې یو چا هیڅ اشتباه نه وي کړي استیضاح شي. د ټرمپ په خبره، دی خپلې استیضاح ته هیڅ اندېښمن نه دی. نوموړي ویلي داسې یو څوک چې د هېواد اقتصاد یې لوړې کچې ته رسولی او د خپل هېواد د بقا لپاره یې خورا زیاتې هڅې کړې وي هغه به هیڅکله له استیضاح نه ونه وېرېږي. نوموړي زیاته کړې که استیضاح شي نو فکر کوي خلک به خامخا پاڅون وکړي. نوموړی دا څرګندونې په داسې حال کې کوي چې په دې وروستیو کې په وار وار د ډموکراټو سناتورانو لخوا د نوموړي د استیضاح خبره مطرح شوې ده.