ایران د افغانستان په مرکزي ولایت غزني کې د طالبانو د وسلو له یوې زېرمې د ایراني وسلو د نیول کېدو راپورونه په کلکه رد کړي دي. په کابل کې د ایران سفارت له خوا په خپرې شوې خبرپاڼه کې هغه راپورونه بې بنسټه بلل شوي چې ویل کېدل افغان ځواکونو په غزني کې د وسله والو طالبانو د وسلو له یوې زېرمې ایرانۍ وسلې نیولې دي. سرچینه کاږي، دا ډول څرګندونې د ایران او افغانستان تر منځ د مخ پر وده اړیکو د خرابوالي په موخه کېږي. سرچینې زیاته کړې افغان حکومت دې له ورته بې بنسټه څرګندونو نه ډډه وکړي او دوی ترې غواړي چې په دې اړه ورسره ښکاره شواهد شریک کړي. دا په داسې حال کې ده چې څو ورځې وړاندې امنیتي ځواکونو په غزني کې د وسله والو طالبانو یوه زېرمه کشف او ترې یې د ایران ساخت ګڼو بېلابېل ډوله وسلو نیولو ادعا وکړه. ایران په وار وار ورته ادعاګانې په کلکه رد کړې دي.
په کابل کې د ایران سفارت: افغان چارواکي دې بې بنسټه تورونه نه لګوي
Get real time update about this post categories directly on your device, subscribe now.
- Trending
- Comments
- Latest
