له نږدې يوه کال ځنډ وروسته د اقینې – اندخوی د ریل پټلۍ پروژې پاتې کارونه بيا پيل شوي دي. د بلخ د ریل پټلۍ ریاست وايي چې د اقینې – اندخوی د ريل پټلۍ ټولټال ۳۰ کيلومتره اوږدوالی لري چې ۲۹ کيلومتره يې تېر کال د جمهوريت پر مهال رغول شوې وه. د يادې ادارې له لوري په خپره شوې خبرپاڼه کې ويل شوي چې د يو کيلومتر په اوږدوالي د ريل پټلۍ د پاتې برخې د رغونې چارې هم پيل شوې دي. ټاکل شوې چې د پټلۍ د رغونې چارې د يوې مياشتې په موده کې بشپړې شي. د اقينې – اندخوی ريل پټلۍ د افغانستان د داخلي پروژې برخه ده چې ټولټال ۳۰ ميليونه ډالره لګښت پرې راځي.
د اقینې-اندخوی رېل پټلۍ پروژې پاتې کارونه پیل شوي دي
Get real time update about this post categories directly on your device, subscribe now.
- Trending
- Comments
- Latest
