امریکا له اوکراین سره نوې پوځي مرسته اعلان کړې ده

سپینې ماڼۍ له اوکراین سره نوره مرسته اعلان کړې ده، چې د هوایي مدافعې د سیستمونو، مهماتو او نورو دفاعي تجهیزاتو لپاره تر۳۰۰ ميلیون ډالرو پورې په‌کې شامل دي. پنټاګون وویل، د امنیتي مرستو دغه کڅوړه د دفاع وزارت له وسله‌تونونو ۳۹مه هغه ده چې له اوکراین سره یې کوي. په دې مرسته کې د پټرویټ هوایي مدافعې دستګاوې، الوتکې ضد سټینګر توغندي، د ټانک مهمات او نور تجهیزات شامل دي. د ۲۰۲۲ م کال د فبرورۍ له میاشتې راهیسې چې روسیې پر اوکراین یرغل کړی، د امریکا متحدو ایالتونو تر اوسه له کییف سره په پوځي برخه کې د څه باندې ۳۷،۶ میلیارد ډالرو مرسته کړې ده.