اریانا او کام ایر د نړۍ غیر مصوونو هوايي شرکتونو کې شامل شول

اریانا افغان او کام ایر هوايي شرکتونه په نړۍ کې تر ټولو غیر مصوون په ګوته شوي دي. د هوايي شرکتونو د ډلبندۍ یوې ادارې د نړۍ د ۴۰۵ هوایي شرکتونو په اړه معلومات راټول کړي دي. دغه اداره وایي چې په نړۍ کې یې شل داسې هوایي شرکتونه په ګوته کړي چې تر ټولو مصوون او د باور وړ دي. خو تر څنګ یې ۱۰ داسې شرکتونه هم شته چې د نړۍ تر ټولو غیر باوري او نا مصوون شرکتونه دي. په دغه لسوو نا مصوونو شرکتونو کې د اریانا افغان هوايي شرکت او همدا راز په افغانستان کې فعال خصوصي شرکت کام ایر شامل دي. د نړۍ لس باوري او تر ټولو مصوون شرکتونه بیا نیوزیلند، امریکن، آسترین، برېتیش، امارات، سنگاپور، قطر او یونایټډ دي.