د هېواد د دفاع وزارت د نیویارک ټایمز هغه راپور رد کړی چې ویلي یې وو، د افغان هوایي ځواک د پیاوړتیا لپاره د امریکا هڅې بې پایلې دي. یاد وزارت وایي، د افغان هوایي ځواکونو په اړه د نیویارک ټایمز وروستۍ لیکنه سمه نه ده. د دې وزارت ویاند غفور احمد جاوید وویل، افغان هوایي ځواکونه لوړ ظرفیت او پرمختللي جنګي الوتکي لري. نوموړی وایي، په دې برخه کې به د امریکا مرستې تر ۲۰۲۳میلادي کار پورې دوام ولري او په پام کې ده چې افغانستان تر دغه کال پورې سلګونه نورې الوتکې هم ولري. دا په داسې حال کې ده چې ځینې کورنیو رسنیو د نیویارک ټایمز په حواله راپور ورکړی و چې امریکا د افغان هوایي ځواکونو د پیاوړتیا لپاره هڅې پیل کړي او په دې برخه کې تر اوسه کابو اته میلیارد ډالر مصرف شوي، خو دغه هڅې بې پایلې دي. د یادونې ده چې د الوتکو د تخنیکي ستونزو او یا د طالبانو د بریدونو په پایله کې تر اوسه د افغان ځواکونو اته چورلکې نسکورې شوې دي.
دفاع وزارت د نیویارک ټایمز وروستی راپور رد کړی
Get real time update about this post categories directly on your device, subscribe now.
- Trending
- Comments
- Latest
