پخوانی پاکستانی سفیر:  پاکستان د افغانستان سولې او امنیت ته دومره لېوالتیا نه لري

په افغانستان کې د پاکستان یوه پخواني سفیر رستم شا مهمند په خپله وروستۍ مرکه کې ویلي چې د افغانستان په ثبات کې تر هر چا ډېر د پاکستان ګټه ده او همدا راز د افغانستان په نا امنۍ کې تر هر چا ډېر د پاکستان زیان دی، خو پاکستان بیا هم دې ته علاقه نه یې چې په افغانستان کې سوله او امنیت ټینګ شي. دده په وینا په افغانستان کې د پاکستان ټول پام د هند حضور ته دی او غواړي ددغه هېواد د پرمختتګ مخه ونیسي. نوموړي ویلي چې له همدې امله پاکستان هڅه کوي خپلې ګټې د سولې پر ځای په جګړه کې وګوري. مهمند د امریکا د حضور په اړه هم ویلي چې دغه هېواد به د خپلو ګټو لپاره له افغانستان خپل سرتېري و نه باسي او دلته به خپل نظامي حضور ته ادامه ورکړي.