د کرکټ ملي لوبډلې لوبغاړي راشد خان د ملا تر عملیاتو وروسته یو ځل بیا تمرینات پیل کړي دي. دا خبر د کرکټ ملي لوبډلې بل لوبغاړي رحمت شاه پر خپلو ټولنیزو پاڼو خپور کړی دی، چې له راشد خان سره په یوه جیم کې د تمرین پر مهال یوځای لیدل کیږي. رحمت شاه لیکلي، چې راشد خان تر عملیاتو وروسته د نومبر په ۲۹مه نېټه په لندن کې په لومړي ځل تمرینات وکړل. راشدخان د روانې میاشتې په ۲۳مه نېټه د لندن په یوه روغتون کې د ملا عملیات وکړل. هغه ویلي وو، له تېرو څو میاشتو راهیسې د ملا دردونو په عذاب کړی و او دې ته اړ شو چې عملیات یې وکړي. نوموړي ویلي چې اوس یې روغتیا د ډاډ وړ ده او د ډاکټرانو د لار ښوونې سره سم به ډېر ژر د لوبو ډګر ته را ووځي.
راشد خان له عملیات وروسته بیرته تمرینات پیل کړي
Get real time update about this post categories directly on your device, subscribe now.
- Trending
- Comments
- Latest
