د هند او افغانستان ترمنځ نن شل اوریزه لوبلړۍ پیلېږي

د افغانستان او هندوستان کرکټ ملي لوبډلو ترمنځ نن ورځ د شل اوریزې لوبلړۍ لومړۍ لوبه ترسره کیږي. دغه سیالۍ چې د هندوستان په کوربه توب ترسره کیږي، لومړۍ لوبه یې نن ماښام ۶ بجې د پنجاب په موهالي ښار کې پیلېږي. افغان لوبډله د دې لوبلړۍ خپله لومړۍ لوبه نن د جنورۍ په ۱۱مه، دویمه د جنورۍ په ۱۴مه او درېیمه هغه بیا په ۱۷مه نېټه له کوربه هندۍ لوبډلې سره ترسره کړي. په داسې حال کې چې د افغان لوبډلې پیاوړی لوبغاړی د ملا له عملیات ترسره کولو وروسته د لوبډلې په نوملړ کې شته دی، خو داسې راپورونه ورکړل شوي، چې هغه به په دې لوبلړۍ کې کومه لوبه ترسره نه کړي او لوبو به کینول شوی وي.