د افغانستان او سریلانکا کرکټ ملي لوبډلو ترمنځ نن ماسپښین ۱ نیمه بجه دویمه ۵۰ اوریزه لوبه ترسره کیږي. د دواړو لوبډلو ترمنځ د دریو ۵۰ اوریزو لوبو په دې لوبلړۍ کې تردې وړاندې لومړۍ لوبه سریلانکایي لوبډلې ګټلې ده. هره لوبډله چې دوه لوبې وګټي نو د دې لوبلړۍ ګټونکې لوبډله اعلانېږي. افغان لوبډلې خپله لومړۍ لوبه بایللې نو د لوبلړۍ ګټلو لپاره باید پاتې دواړه لوبې وګټي. افغان لوبډله چې د سریلانکا په سفر تللې ده، په پیل کې یې له کوربه لوبډلې سره یوازنۍ ټېسټ لوبه ترسره کړه، چې د سریلانکا په بریا پایته ورسېده. همدا راز افغان لوبډلې د کوربه لوبډلې پروړاندې په ۵۰ اوریزو سیالیو کې هم په ماتې پیل کړی دی، چې خپله لومړۍ لوبه یې بایللې ده. د یادولو وړ ده، چې د دواړو لوبډلو ترمنځ به له یو ورځنیو لوبو وروسته درې شل اورېزې لوبې هم ترسره شي.
د افغانستان او سریلانکا ترمنځ نن دویمه یو ورځنۍ لوبه ترسره کیږي
Get real time update about this post categories directly on your device, subscribe now.
- Trending
- Comments
- Latest
