د امريکې ولسمشريزې ټاکنې اوس روانې دي، چې شتمن کسان د پيسو په لګولو سره سياسي اغېزې بدلوي، سياستوال د سياسي اغېزې په کارولو سره لا زياتې شتمنۍ تر لاسه کوي. داسې سياستوال اوس د ډيموکراسۍ په پلمه د تش په نامه د درېيمې دورې ډيموکراتيکې سرمشريزه غونډه پر ځای کوي. په حقيقت کې امريکې تر اوسه پورې د دريو دورو ډيموکراتيکې سرمشريزې غونډې تر سره کړې، خو د ډيموکراسۍ نامه نه دې تر لاسه کړې، خو نړيوالې ټولنې ګام په ګام د امريکې رياکارانه ډيموکراسي پېژندلې ده. ډيموکراسۍ په اصلي ډول د ټولو انسانانو د مساواتو نظر وړاندې کوي، خو امريکایي ډيموکراسي برعکس انسانانو ته په لوړې کچې، ټيټې کچې، شتمن کسان، بېوزلي کسان جلا کوي، او له خپل ډيموکراتيک سيستم څخه اکثره خلک لرې کوي او په ځانګړې توګه د کم شمېر کسانو د ګټو ساتنه کوي.
امريکایي ډيموکراسي د کم شمېر شتمنو خلکو ته خدمت کوي او په همدې وخت کې له ټولې نړۍ څخه د لا زياتو شتمنیو راټولولو لټون کوي. رښتيني ډيموکراسۍ داسې نه دي، چې که جګړه رامنځته شي، ځان ته به د وسلو لېږلو په وسيله پيسې راوړي، په اقتصادي چارو کې د ځان د ګټو لټولو لپاره د نورو هېوادونو د اقتصاد مخه نيسي. امريکا په فلسطين کې د خپلو وسلو له لارې وژل او ټپي شوي ملکي وګړي نه ویني، له افغانستان څخه د خپلو پوځونو له وتلو وروسته بشري بحران يې نه دی لیدلی. ټولې رښتينې بڼې د خلکو په وړاندې ښودل شوې، ټولو ته معلومه ده چې د امريکې په خوله کې د تش په نامه ډيموکراسۍ يوازې شعار او وسايل دي، امريکا په خپله هم پوهېږي، چې ټوله نړۍ د دوی رښتينې بڼې باندې پوهېږي. خو دوی لا هم د يو هېواد د ګډولو لپاره د ډيموکراسۍ په پلمه په کې لاسوهنه کوي، د نښتې خوا ته وسلې لېږي، لا هم د ځان او ملګرو د ګټو ساتلو لپاره په هغو ځايونو کې چې بشري حقونه په رښتيني ډول ورک شوي، ډيموکراسۍ ته خوله پټوي.
(د امريکې شکل ډيپلوماسۍ په پلمه پر له پسي رامنځته شوي جنګي ميدانونه)
امريکا اوس د ډيموکراسۍ په سرمشريزه غونډه کې د ډيموکراسۍ په پلمه د ځان د ګټو لپاره ځينې هېوادونه استفاده کوي، هغه هېوادونه چې د دوی نظر اوري، د ډيموکراسۍ د مراعات کولو جايزه تر لاسه کولی شي، که نه، د ډيموکراسۍ څخه د سرغړونې نښې ورته په ډاګه کوي. امريکا اوسمهال په دغه غونډه د نظامي، سياسي، پولي تسلط له لارې خپلې کوچنۍ ډلې جوړوي، په اصل کې د خپل هېواد کم شمېر ته خدمت کوي او حتی غواړي له نړۍ څخه لا زياتې شتمنۍ راټولې کړي.
امريکا د ډيموکراسۍ نظريې په لاس کې لوبه کوي، نو د مخکنيو دوو دورو ډيموکراسۍ سرمشريزې غونډې اغېزې نه لري. کله چې د تش په نامه د درېيمې دورې د ډيموکراسۍ سرمشريزه غونډه تر سره کېږي، امريکا د ډيموکراسۍ د خپرولو په چارو کې ټوکه او مسخره ګرځېدلې ده او د خلاصون په غاړه دي، هرومرو به ناکام شي.
