د چين دولت رئيس شي جين پينګ به ژر د شانګهای همکارۍ سازمان د غړيو هېوادونو د مشرانو شورا په ۲۴مې غونډې کې ګډون وکړي او له قزاقستان څخه به رسمي ليدنه وکړي.
چين ميډيا ګروپ د قزاقستان د ولسمشرۍ راډيو او ټلويزيون عمومي ادارې د ورېښمو لارې ټلويزيون او اتامېکن ټلويزيون سره د جون په ۳۰مې نېټې په استانا کې د غوره پروګرامونو د خپرولو تړون لاسلیک کړی دی.
د دغه تړون له مخې به له شي جين پينګ سره د لیدنې په شمول د چين ميډيا ګروپ لسګونه غوره پروګرامونه د قزاقستان په عمده رسنيو کې خپاره شي او د دواړو هېوادونو ترمنځ دوستي او همکارۍ به په خوځښت راولي.
