د ارزګان ولایت د ګېزاب ولسوالۍ په خلج سیمه کې د هوایي بریدونو په پایله کې ۳۵ ملکي وګړي وژل شوي دي. د ارزګان پخواني والي امان الله تیموري ویلي چې په دې پېښه کې د نوموړي د کورنۍ د غړو په ګډون پنځه دېرش ملکیان وژل شوي دي. تیموري زیاته کړې، د ګیزاب ولسوالۍ خلج سیمه کې لومړی بهرنیو ځواکونو د طالبانو پر مرکزونو چاپې وهلي چې وروسته د طالبانو له غبرګون سره مخ شوي دي. د هغه په خبره څو شیبې وروسته د بهرنیو ځواکونو جیټ الوتکې راغلې دي او د ملکي وګړو پر کورونو یې بمباري کړې ده. ویل کېږي، په دې عملیاتو کې له پاکستانه د تازه راستانه شوي طالب قومندان ملا نصرالله په ګډون د هغه شپږ ملګري هم وژل شوي دي. د ارزګان امنیتي چارواکو بې خبرې ښودلې او طالبانو لا تر اوسه غبرګون نه دی ښودلی.
ارزګان کې هوایي بریدونو ۳۵ ملکي وګړي وژلي
Get real time update about this post categories directly on your device, subscribe now.
- Trending
- Comments
- Latest
