اقتصاد وزارت: موسسات دې تر ډېره خپل پام پرمختیايي برخې ته واوړوي

اقتصاد وزارت په یوه مکتوب کې په افغانستان کې له ملګرو ملتونو، اروپايي ټولنې او نورو نادولتي مرستندویه بنسټونو غوښتي څو د بشري مرستو پر ځای له پراختیايي برخو سره مرستې وکړي. په لیک کې له تمویلوونکو بنسټونو او موسسو غوښتنه شوې چې د خپلو پروژو د تطبیق پر مهال دې د خلکو رضایت، روڼتیا او د سرپرست حکومت قوانین په پام کې ونیسي. له نړۍوالو بنسټونو او تمویلوونکو څخه په عین وخت کې بله غوښتنه د کاري جوازونو د اخېستلو شوې چې باید عملي یې کړي.