زلمي خلیلزاد سیمې ته د سفرونو نوې لړۍ پيل کړې ده. د رسنیو د راپورونو له مخې خلیلزاد هڅه کوي د سفرونو په دې لړۍ کې د افغانستان د سولې په برخه کې شته خنډونه له منځه یوسي او د سیمې له هېوادونو سره پر بېلو مسایلو خبرې ولري. دا به د بایډن د واکمنۍ پر مهال سیمې ته د خلیلزاد لومړنی سفر وي. خلیلزاد د افغان سولې په تړاو په ځلونو سیمې په تېره پاکستان، هند او قطر ته سفرونه کړي دي، خو سیاستوال په دې باور دي چې د نوموړي هڅې د جګړې په کمولو کې کمرنګه دي او د بایډن حکومت باید په دې اړه دقیق او هر اړخیز ګامونه اوچت کړي. خلیلزاد داسې مهال دغه سفر کوي چې امریکا وایي د سولې پر هوکړه بیا کتنه کوي او همدا چې دغه بیا کتنه بشپړه شي په دې اړه به خپل دریځ روښانه کوي.
خلیلزاد سیمې ته نوی سفر پيل کړی دی
Get real time update about this post categories directly on your device, subscribe now.
- Trending
- Comments
- Latest
