د ایران د پارلمان رئیس محمدباقر قالیباف د سپتمبر په ۲۰مه نېټه وویل چې که د ایران ټاکلي شرایط پوره نه شي، د ایران ملي حقونه ونه پېژندل شي او امریکا خپلې ژمنې پوره نه کړي، ايران به تر تېرو شرایطو لاندې له امريکا سره خبرې اترې بیا پیل نه کړي او هرمز تنګی به بيا خلاص نه کړي.
ایراني رسنیو خبر ور کړ چې قالیباف په همدې ورځ پارلمان ته په یوه وینا کې وویل چې ایران په څرګنده توګه خپل شرایط او دریځ د منځګړیتوب له لارې امریکا ته رسولی دی او د ډیپلوماتیکو مسئلو په اړه د ایران دریځ روښانه او پرې خبرې نشي کېدای.
